Onlayn qumar təşkil edənlərin qarşısını necə almaq olar?

Əvvəlcə depozit ödəniş tələb edilir, bank hesabı, kartı nömrəsi göndərilir. Minimum 5 manat ödədikdən sonra qarşı tərəf, müraciət edən şəxsin əvəzinə mərc oyunu oynayır.
Aftv.az Xəzər TV-yə istinadən məlumat verir ki, söhbət artıq açıq şəkildə reklam və təklif edilən qumar, loto, mərc oyunlarından gedir.

Qanunla qadağan olan işin dırnaqarası biznesini quranlar bu oyunları sosial şəbəkələrdəki səhifələrdə paylaşır, müraciət üçün öz nömrələrini yerləşdirməkdən belə çəkinmirlər.

Təəssüf ki, belə şəxslərin tələsinə düşənlər də az deyil.

Qeyd edək ki, mərc oyunu üzərindən qazanılan məbləği göndrmək adı ilə vətəndaşlardan bank kartı məlumatları da tələb edilir. Belə olan halda həm də kiberdələduzluq halları baş verə bilir.

Daxili İşlər Nazirliyindən (DİN) "Xəzər Xəbər"ə verilən məlumata görə, quruma sözegedən hallarla bağlı daxil olan hər bir müraciət araşdırılır.

Hüquq-mühafizə orqanları bir daha vətəndaşlara qanunsuz mərc, loto və digər qumar oyunları adı altında sosial şəbəkələrdə təşkil olunan oyunlarda iştirak etməməyi tövsiyə edir.

Ətraflı süjetdə: