Azərbaycanda internetin zəifliyi, tez-tez qırılmaların baş verməsi bütün dövrlər üçün aktual olub. Lakin son illər internetlə əlaqəli problem daha qabarıq şəkildə insanları narahat etməyə başladı. Belə ki, qiymətlərin sürətlə artması fonunda bəzi provayderlərdə internetin kəsilməsi, sürətin aşağı düşməsi cəmiyyət arasında böyük narazılıq yaradır.
Əlbəttə, bu hal Gəncə şəhəri üçün də keçərlidir. Belə ki, paytaxt Bakıdan fərqli olaraq burada vəziyyət daha acınacaqlıdır. Üstəlik, internetin surəti, necə deyərlər, tısbağanın yerişi qədər zəifdir. Bununıa belə, vətəndaşlar hər ay internətə ən azı 15 manat ödəniş etməyə məcburdur. Başqa cür də mümkün deyil. Çünki günümüzdə internet bir çox ailələrə hava-su qədər lazımdır. Bu səbəbdən də vətəndaşlara “tısbağanın arxasınca” sürünməkdən başqa yol qoyulmayıb…
Bütün bunlar öz yerində. Lakin bəzi internet provayderlərinin vətəndaşla hədə dilində danışması tamamilə anlaşılmazdır. Dediklərimizin bariz nümunəsi olaraq “Azoptiknet” provayderinin xanım əməkdaşının Gəncə sakini ilə danışığını misal göstərə bilərik.
Məlumat üçün bildirək ki, 29.07.2024-cu il tarixində “Azoptiknet”in xanım əməkdaşı özünü təqdim etmədən, Gəncə şəhəri, DOS 102, bina 138, mənzil 24-də yaşayan sakinə həm “Whatsapp”, həm də adı qaydada dəfələrlə zəng vurub. Lakin sakin istirahətdə olduğundan telefona vaxtında cavab vermək imkanı olmayıb. Bundan sonra xanım operator “Whatsapp” vasitəsilə səs ataraq bildirir: “Salam, xanım. Zəng vururam, zəngi açmırsız, bilmək istəyirik ki, interneti istifadə edəcəksiz, ya yox? Biz bilməliyik ki, bizim xəttimiz məşğul qalmasın”.
Qeyd edək ki, müharibə veteranı, 1 qrup əlil Quliyev Famil Oruc oğlunun adına olan bu internet xətti 3 ildir fasiləsiz istifadə edilib. Üstəlik, hər kəsə də bəllidir ki, abonent ödəniş etməyəndə ayın tamamında internet kəsilir. Yay ayı olduğundan, ev sahibi 10 günlük istirahətə getdiyi üçün ödəniş gecikdirilib. Hansı ki, ödəniş indiyədək hər ayın 17-si olub. Məhz bu səbəbdən də operator xanım vətəndaşı təhdid edir ki, “biz gəlib xəttimizi sökməliyik”. Üstəlik, modemi vətəndaşın özü pul verib alsa da, bu cihazı da götürəcəklərini bildirib.
Qeyd edək ki, əməkdaşımız abonentlə əlaqə saxlanılan telfon nömrəsinə zəng vuraraq, məsələni aydınlaşdırmağa çalışıb. Özünü tədqim edən əməkdaşımız qarşı tərəfin ad-soyadını soruşub. “Siz kimsiniz ki, sizə cavab verim. Jurnalistsiniz deyə, elə bilirsiniz nə istəsəniz edə bilərsiniz?!”, - deyə “Azoptiknet”in operatoru sərt şəkildə cavab verib.
Təkrar sual verəndə ki, vətəndaş cəmi 10 gün müddətində onun xəttinin kəsilməsi müqavilədə varmı, qarşı tərəf “Bəli, müqavilədə var. Bizim işimiz budur, mütləq zəng vurub ödənişi tələb etməliyik”, - deyib. Halbuki, abonentlərlə provayder arasında bağlanılan müqavilədə belə bir məsələ yoxdur.
Onu da bildirək ki, operator xanımdan cavab aıa bilmədiyimiz üçün şirkətin “qaynar xətti” ilə əlaqə saxladıq. Məhz bundan sonra başqa bir nömrə ilə zəng vuran digər xanım əməkdaş abonentə zəng vuraraq, operatorun kobud davranışı ilə əlaqədar üzr istəyib.
Şikayətçi isə deyir ki, əslində bu üzrü başqa əməkdaş yox, onunla kobud danışan, “kimə, hara istəyirsiniz şikayət edin” deyən xanımın özü istəməli idi. Lakin başadüşülən budur ki, şirkət davranış etikasından xəbərsiz, danışıq qabiliyyəti olmayan operator xanıma kimə və nəyəsə görə güzəşt edib…
Güman edirik ki, “Azoptiknet” internet şirkəti həmin xanıma qarşı ən azı tənbeh xarakterli bağlı tədbir görüb…
Jalə FAMİLQIZI
Redaksiyadan: Qarşı tərəfin mövqeyini dərc etməyə hazırıq.
Aftv.az
“YA ÖDƏNİŞ EDİN, YA DA XƏTTİNİZİ KƏSİRİK” - “Azoptiknet” istirahətdə olduğu üçün internetdən istifadə etməyən ailəni hədələdi…
Cəmiyyət
31, iyl, 2024
11:21
Son xəbərlər
Çətənə kolları yetişdirən şəxs həbs olundu
16, avq, 2024
17:22
Nazirdən tibb işçiləri ilə bağlı əmr
16, avq, 2024
16:53
Feyziyevə məxsus olduğu deyilən şirkətə qarşı ittiham
16, avq, 2024
16:51
Xaricə gedən vətəndaşların çoxu kişilərdir
16, avq, 2024
16:47
Kreml Putinin Azərbaycana səfər edəcəyi tarixi AÇIQLADI
16, avq, 2024
16:44
Bakıda restoranın fəaliyyəti dayandırıldı - FOTO
16, avq, 2024
14:34
Sumqayıtda qumbara partlayıb, 66 yaşlı kişi ölüb
16, avq, 2024
13:57
Günay Ağamalı mediada hansı hadisə ilə “MƏŞHUR” oldu - Deputatın namizəd qızı
16, avq, 2024
13:41
Qəbələdə toyda zəhərlənən 55 nəfərin son durumu AÇIQLANDI
16, avq, 2024
12:39
Afət bu görüntüyə görə ərindən boşanır - VİDEO
16, avq, 2024
11:38
"Casablanca Travel" şirkətinin rəhbəri həbs edilib?: MÜŞTƏRİLƏR ÜSYAN EDİR
16, avq, 2024
11:33
Sabiq məmur siyasətə qayıdır - "Qudalar İttifaqı" yenidən aktivləşəcək?
16, avq, 2024
10:57
Talıbovlarla bağlı SENSASİYA - İki deputat mandatını...
16, avq, 2024
10:51
Şahin İsmayılov kimdir?- Seçicilər tanımadı……
16, avq, 2024
10:41
Qətlə yetirilən iki uşaq atası Hüseyn Feyzullayevin GÖRÜNTÜLƏRİ
16, avq, 2024
10:31
Ordumuzun mövqeləri atəşə tutuldu - MN
16, avq, 2024
10:23
Yeni səfir, köhnə gərginlik: Ermənistan-Rusiya münasibətləri yön dəyişdirir?
16, avq, 2024
10:21
Atası ilə yanaşı dəfn edilən Nəsibə Məmmədovanın payızda toyu olacaqmış - VİDEO
16, avq, 2024
10:20
Qaradağda insanların yolunu bağlayan sahibkarların məqsədi nədir VİDEO
15, avq, 2024
18:00
Merkel aşiqi deputatlığa namizəd ortalarda yoxdur - FOTO, VİDEO
15, avq, 2024
17:44
Bakıya içməli suyun verilməsi sabah tam bərpa ediləcək
15, avq, 2024
17:22