Xəbər verdiyimiz kimi "Reo-Med" klinikasına liposaksiya üçün müraciət edən və komaya düşən 29 yaşlı Aybəniz Almuradova vəfat edib. Onun ailəsi ölümdə həkimi günahlandırır. Bacısının sözlərinə görə, Aybəniz Almuradova sosial şəbəkədə tanınan həkim Mətanət Eyvazovaya yazaraq liposaksiya olunmaq istədiyini bildirib. Həkim də cavabında əməliyyatın çox yüngül proses olduğunu bildirərək, klinikaya dəvət edib. İyunun 11-də Aybəniz Almuradovanı əməliyyat etmək üçün anesteziya edilib. Hər şey də bundan sonra başlayıb. Mərhumun bacısı deyir ki, Mətanət Eyvazovanın heç bir ali təhsili yox imiş. O lazeroloq işləyirmiş, 6 aydır ki, bu işi kursa gedərək öyrənib.
Gözəlləşmək istəyərkən həyatla vidalaşan yalnız Aybəniz Almuradova deyil. Azərbaycanda son illərdə çox sayda uğursuz plastik əməliyyatları misal çəkmək olar. “Liposaksiya”, bel, yan, qarın, əl, boyun və digər hissələrdəki artıq piylər üçün nəzərdə tutulan əməliyyat növü dünyada geniş yayılıb. Azərbaycanda plastik əməliyyatlar zamanı ölüm halları ilə bağlı siyahını artırmaq olar.
Bu prosedurları bəzən Tibb Universitetində təhsil almayan, bu sahədə ixtisaslaşmayan şəxslər həyata keçirirlər. Onlar bir müddət kurs keçərək bu sahədə fəaliyyət göstərməyə başlayırlar.
Teleqraf.com xəbər verir ki, Baş Prokurorluq plastik cərrahiyyə və digər estetik prosedurların keçirilməsinə dair tələblərlə bağlı vətəndaşlara müraciət edib. Müraciətdə plastik cərrahiyyə əməliyyatı və ya digər estetik prosedurların həkim təyinatı əsasında həyata keçirilməli olduğu vurğulanıb:
"Bundan əvvəl həmin prosedurun şəxsin həyat və sağlamlığına təsirinə dair müayinəsi aparılmalıdır. Proseduru icra edən həkim pasiyentdən bu müayinənin aparılmasını tələb etməlidir.
Estetik proseduru həyata keçirən şəxsin müvafiq tibbi təhsili olmalı, həmçinin bu sahədə ixtisaslaşmalıdır. Plastik cərrahiyyə əməliyyatını aparan şəxsin ali tibbi təhsili olmaqla yanaşı, bu sahədə ixtisaslaşmalıdır. Ali tibbi təhsil almadan həkim və ya həkim-kosmetoloq adından istifadə etmək yolverilməzdir”,- məlumata qeyd edilir.
Səhiyyə Nazirliyi tərəfindən kosmetoloji, plastik cərrahiyə fəaliyyəti göstərən mərkəzlərə nəzarət necə aparılır?
Məsələ ilə bağlı Səhiyyə Nazirliyi Analitik Ekspertiza Mərkəzi Teleqraf.com-a açıqlama verib.
Bildirilib ki, kosmetoloji iş üzrə ambulator tibbi xidmət, plastik cərrahiyyə işi üzrə ambulator və stasionar tibbi xidmətlər “Özəl tibb fəaliyyəti üzrə lisenziyalaşdırılan xidmətlərin və işlər” siyahısına daxil olduğundan bu istiqamətdə fəaliyyət göstərən müəssisələr müvafiq lisenziyaya sahib olmalıdırlar:
“Bu sahədə müvafiq ixtisas üzrə sertifikata malik həkim mütəxəssislər praktiki tibb fəaliyyət göstərə bilər. Lisenziyalı müəssisələrə nəzarət Analitik Ekspertiza Mərkəzi tərəfindən plan üzrə və plandankənar yoxlamalar şəklində, lisenziyasız müəssisələrə münasibətdə isə əhalinin sağlamlığına birbaşa və ya mühüm təhlükənin olmasına dair konkret faktlar olduqda, həmçinin, müxtəlif qurumlardan daxil olan müraciətlər əsasında plandankənar yoxlamalar şəklində aparılır".
Analitik Ekspertiza Mərkəzinin verdiyi məlumata görə, nəzarət tədbirləri zamanı nöqsanlar aşkar olunduqda qanunvericilkdə nəzərdə tutulan inzibati tənbeh tədbirləri (inzibati cərimə) görülür, təkrar aşkar edildikdə təkrar inzibati tənbeh və əlavə tədbirlər həyata keçirilir.
Tanınmış həkim-cərrah Adil Qeybulla isə deyir ki, bütün əməliyyatlarda olduğu kimi plastik əməliyatları da bu sahədə ixtisaslaşan mütəxəssis həyata keçirilməlidir:
“Mütəxəssis olmayan şəxsin fəsadlara səbəb olması ehtimalı çox yüksəkdir. Avadanlıqlar, müvafiq yer, tibb müəssisinin ona uyğun fəaliyyət göstərə bilməsi də vacib məqamdır. Müayinələri həyata keçirmək üçün avadanlıqların olması, həkimin əməliyyatı həyata keçirmək üçün keyfiyyətli cihazlarının olması vacibdir. Hətta yaxşı mütəxəssisin yaxşı avadanlığı olmadıqda belə, orada ağırlaşmalar ola bilir. Ona görə də xəstələr özləri diqqətli olmalıdırlar. Öncədən araşdırmalıdırlar. Reklama uymamalı, mütəxəssisin sertifikatını, doğrudan da bu işlə məşğul olduğunu araşdırmalıdırlar. Səhiyyə Nazirliyi və digər qurumlar daha çox insanların sağlamlıqları ilə bağlı olan xəstəliklərlə məşğuldurlar. Estetik əməliyyatlar xəstənin öz arzusu ilə həyata keçirildiyi üçün burada daha çox pasiyent diqqətli olmalıdır”.(Teleqraf.com)
Aftv.az
Plastik əməliyyatda ölən iki uşaq anasıyla bağlı - Şok faktlar
Cəmiyyət
11, iyl, 2024
11:39
Son xəbərlər
Çətənə kolları yetişdirən şəxs həbs olundu
16, avq, 2024
17:22
Nazirdən tibb işçiləri ilə bağlı əmr
16, avq, 2024
16:53
Feyziyevə məxsus olduğu deyilən şirkətə qarşı ittiham
16, avq, 2024
16:51
Xaricə gedən vətəndaşların çoxu kişilərdir
16, avq, 2024
16:47
Kreml Putinin Azərbaycana səfər edəcəyi tarixi AÇIQLADI
16, avq, 2024
16:44
Bakıda restoranın fəaliyyəti dayandırıldı - FOTO
16, avq, 2024
14:34
Sumqayıtda qumbara partlayıb, 66 yaşlı kişi ölüb
16, avq, 2024
13:57
Günay Ağamalı mediada hansı hadisə ilə “MƏŞHUR” oldu - Deputatın namizəd qızı
16, avq, 2024
13:41
Qəbələdə toyda zəhərlənən 55 nəfərin son durumu AÇIQLANDI
16, avq, 2024
12:39
Afət bu görüntüyə görə ərindən boşanır - VİDEO
16, avq, 2024
11:38
"Casablanca Travel" şirkətinin rəhbəri həbs edilib?: MÜŞTƏRİLƏR ÜSYAN EDİR
16, avq, 2024
11:33
Sabiq məmur siyasətə qayıdır - "Qudalar İttifaqı" yenidən aktivləşəcək?
16, avq, 2024
10:57
Talıbovlarla bağlı SENSASİYA - İki deputat mandatını...
16, avq, 2024
10:51
Şahin İsmayılov kimdir?- Seçicilər tanımadı……
16, avq, 2024
10:41
Qətlə yetirilən iki uşaq atası Hüseyn Feyzullayevin GÖRÜNTÜLƏRİ
16, avq, 2024
10:31
Ordumuzun mövqeləri atəşə tutuldu - MN
16, avq, 2024
10:23
Yeni səfir, köhnə gərginlik: Ermənistan-Rusiya münasibətləri yön dəyişdirir?
16, avq, 2024
10:21
Atası ilə yanaşı dəfn edilən Nəsibə Məmmədovanın payızda toyu olacaqmış - VİDEO
16, avq, 2024
10:20
Qaradağda insanların yolunu bağlayan sahibkarların məqsədi nədir VİDEO
15, avq, 2024
18:00
Merkel aşiqi deputatlığa namizəd ortalarda yoxdur - FOTO, VİDEO
15, avq, 2024
17:44
Bakıya içməli suyun verilməsi sabah tam bərpa ediləcək
15, avq, 2024
17:22