""Azərlotoreya" ASC-nin Azərbaycan xalqını aldatması ilə bağlı şok iddiallar"

Ölkənin qanuni lotereya təşkilatçısı və idman mərc oyunları operatoru “Azərlotereya” ASC -a aid olan "Misli.az" lotereya saytı müsabiqə elan edib.

"BakuNews.az" xəbər verir ki, müsabiqədə misli hesabına yüklədiyin hər 5 azn hesab sahibinə 1 lotereya şans nömrəsi qazandırır. Hər həftənin bir günü minlərlə nömrədən yalnız 7 nəfər qalib gəlir, onlardan da 4-ü avropaya hər şey daxil səyahət bileti qazanır.

İlk həftənin qalibləri artıq müəyyənləşib. İşin maraqlı tərəfi ondadır ki, bu həftə Avropaya səyahət qazanan qalib Sərxan İslamov şirkətin əvvəlki müsabiqəsində avtomobil qazanan Sərxan İslamov olub.

Maraqlıdır, minlərlə nömrənin içində təsadüfi seçilən nömrə keçən müsabiqənin qalibi necə ola bilib? Bu, Azərbaycanda həmin lotereyanı oynayan yüzminlərlə insanda şirkətin şəffaflığına şübhə yaradıb. İştırakçılar şirkətin əvvəldən müəyyən edilmiş şəxsləri qalib etməklə hədiyyələrin özlərinə qaldığını iddia edirlər.

Həmkar xəbər portalı "Azərbaycan Reallığı" sözügedən qalibin fotolarını təqdim edib. Lakin media haqqında qanunlara istinadən qeyd edilən şirkət və ya şirkət təmsilçilərinin məsələyə məntiqli cavab hüququndan istifadə etməsini təklif edirik. Qiymətli kağızlar məsələ ilə bağlı verdiyi hüquqda yuxarıda edilən ittihamların qanun çərçivəsində araşdırılması Lotereya oyunlarının qaydalarına zidd addımın varlığı zamanı məsul şəxslərin cəzalanması mütləqdir.
Aftv.az