Mədət Quliyev Aygün Kazımovaya “prodüserlik” edir? — VİDEO

Azərbaycanın Milli Qəhrəmanı Mədət Quliyev yenə öz ampulasındadır. Nazir olduğu dövrdə məsul olduğu sahədən daha çox şou-biznes aləmi ilə maraqlanan Mədət Quliyev bu dəfə Xalq artisti və müğənni Aygün Kazımova ilə kameralar önündə poz verib.

Görüntülərdən məlum olur ki, Mədət Quliyev və Aygün Kazımova Bakıda eyni sırada yer alırlar. Aygün Kazımova kameralara nazlı-qəmzəli açıqlamalar verərkən, Mədət Quliyev də onun yanında dəstək verir.

Aygün Kazımova deyir ki, şou-biznes aləmində ən tez yuxudan qalxan müğənni odur. Ardınca Mədət Quliyev də Xalq artistini təsdiqləyir və bildirir ki, “Aygün xanım nə qədər istəsə, o qədər qaça bilər”.

Sanki Mədət Quliyev Aygün Kazımovanın prodüseridir. Bu, Mədət Quliyevin şou-biznes aləmlərində “gəzdiyi” birinci hal deyil. Bundan öncə də gah müğənnilərlə, gah modellərlə birlikdə görüntülənmişdi. İndi də Aygün Kazımova ilə kameralar önünə keçib. Belə görünür ki, Mədət Quliyev dövlət əhəmiyyətli məsələlərlə məşğul olmaqdansa, Aygün Kazımovanın prodüseri kimi daha effektli fəaliyyət göstərmək potensialına malikdir./demokrat.az


Aftv.az