Müdafiə Nazirliyinin (MN) mənimsəməyə görə tutulan Maliyyə və Büdcə İdarəsinin sabiq rəisi, general-mayor Nizami Məmmədov, Hərbi Hava Qüvvələrinin (HHQ) Maliyyə Xidmətinin sabiq rəisi, polkovnik Cəlal Kazımov, Quru Qoşunları maliyyə idarəsinin rəisi Bayram Bayramov və Hərbi Dəniz Qüvvələrinin (HDQ) maliyyə xidmətinin sabiq rəisi Vüsal Əlizadənin cinayət işi üzrə məhkəmə prosesi keçirilib.
"Report" xəbər verir ki, Bakı Hərbi Məhkəməsində hakim Fikrət Əliyevin sədrliyi ilə keçirilən məhkəmə iclasında Müdafiə Nazirliyinin Satınalmalar və Təchizat İdarəsinin sabiq rəisi Məlikməmməd Qurbanov ifadə verib.
Qeyd edək ki, M.Qurbanov Müdafiə Nazirliyində 143 milyon manatlıq mənimsəmə faktı ilə əlaqədar Dövlət Təhlükəsizliyi Xidmətindən aparılan istintaq zamanı məsuliyyətə cəlb olunub. Daha sonra onun barəsində olan cinayət işi ayrıca icraata götürülüb. Hazırda onun barəsində olan cinayət işi üzrə məhkəmə prosesi davam edir.
Məhkəmədə şahid qismində ifadə verən M.Qurbanov tapşırıqla Nizami Məmmədova iki dəfə pul verdiyini deyib:
"Mən Nizami Məmmədova 2018-ci ildə 300 min, 2019-cu ildə isə 500 min manat tapşırıqla pul çatdırmışam. Bu pulun ona nə üçün verildiyini bilməmişəm."
M Qurbanov deyib ki, hansı şirkətlərlə müqavilə bağlamaq lazım olduğu barədə göstəriş alıb. Şirkətlərdən gələn təklifləri və bağlanan müqavilələri rəisinə məruzə edib.
"Şirkətlərlə bağlı aparılan komissiya üzvləri 12 nəfərdən ibarət olmaqla bir neçə nazirliyin nümayəndəsi təmsil olunub. Komissiyanın sədri isə mənim müavinim idi. Tenderlərdə əsasən “Azərsun Holdinq” ilə onun törəmə şirkətlərinə iştirak etmək icazəsi verilirdi. Nizami Məmmədovun satınalma və təchizata heç bir aidiyyatı olmayıb. O, şirkətlərlə bağlanan müqavilələrdə iştirak etmədiyi kimi danışıqlardan və müqavilələrə hansı məbləğlərin yazılmasından da onun məlumatı olmayıb", - M.Qurbanov deyib.
M.Qurbanov, həmçinin vurğulayıb ki, işlədiyi 2015-2019-cu illər ərzində nazirlik tərəfindən ən çox “Azərsun Holdinq”dən olmaqla ümumilikdə şirkətlərdən 19 milyon 600 min manat pul alınıb.
Müttəhim Nizami Məmmədov Məlikməmməd Qurbanovun ifadəsinə münasibət bildirərək deyib ki, satınalma ona aidiyyatı olmayan bir sahədir.
"2023-cü ilin iyulunda bu məsələ ilə bağlı mənə yeni ittiham verdilər. Mən ittihamla ibtidai istintaq bitəndə tanış oldum. Əgər Məlikməmməd Qurbanovun dediyi məbləği alsaydım, deyərəm almışam. Mən idarəyə rəis gələnə kimi ora “bazar” idi, mən gələndən sonra satınalma ilə bağlı məsələləri yığışdırdım. Daha hər hansı şirkət rəhbəri yanıma gələ bilməzdi. “Azərsun Holdinq”in nümayəndəsi Afdandil Abdiyev ifadəsində guya, mənə pul verdiyini və məni tanıdığını deyib", - müttəhim bildirib.
Qeyd edək ki, Müdafiə Nazirliyinin Maliyyə və Büdcə İdarəsinin sabiq rəisi general-mayor Nizami Məmmədov, Hərbi Hava Qüvvələrinin (HHQ) Maliyyə Xidmətinin sabiq rəisi, polkovnik Cəlal Kazımov, Quru Qoşunların maliyyə idarəsinin rəisi Bayram Bayramov, maliyyə idarəsinin zabiti Vüsal Əlizadə, Müdafiə Nazirliyinin Satınalmalar və Təchizat İdarəsinin sabiq rəisi, polkovnik Mahir Şirvanov, həmçinin nazirliyin Satınalmalar və Təchizat İdarəsinin sabiq rəisi Məlikməmməd Qurbanov, nazirliyin mənzil istismar idarəsinin sabiq rəisi, polkovnik Fikrət Mirzəyev Dövlət Təhlükəsizliyi Xidmətinin keçirdiyi xüsusi əməliyyat nəticəsində həbs ediliblər.
Təqsirləndirilən şəxslər dövlət büdcəsindən ayrılan pulları mənimsəməkdə ittiham edilirlər.
Xatırladaq ki, cinayət işi üzrə dövlətə dəymiş ziyan ümumilikdə 143 milyon manatdır. Cinayət işləri ayrı-ayrı icraatlarda baxılması üçün məhkəməyə göndərilib.
İstintaq dövründə dövlətə vurulmuş ümumi ziyanın 40 milyon manatı artıq ödənilib. Cinayət işi üzrə Maliyyə Nazirliyi zərərçəkmiş qismində tanınıb.
Təqsirləndirilən şəxslərin hər birinə Cinayət Məcəlləsinin 179.4-cü (xüsusi ilə külli miqdarda ziyan vurmaqla dələduzluq törətmək) maddəsi ilə ittiham irəli sürülüb.
Aftv.az
Mən idarəyə rəis gələnə kimi ora BAZAR idi - MN-də 143 milyonluq mənimsəmə ilə bağlı məhkəmədə
Cəmiyyət
30, apr, 2024
11:14
Son xəbərlər
Çətənə kolları yetişdirən şəxs həbs olundu
16, avq, 2024
17:22
Nazirdən tibb işçiləri ilə bağlı əmr
16, avq, 2024
16:53
Feyziyevə məxsus olduğu deyilən şirkətə qarşı ittiham
16, avq, 2024
16:51
Xaricə gedən vətəndaşların çoxu kişilərdir
16, avq, 2024
16:47
Kreml Putinin Azərbaycana səfər edəcəyi tarixi AÇIQLADI
16, avq, 2024
16:44
Bakıda restoranın fəaliyyəti dayandırıldı - FOTO
16, avq, 2024
14:34
Sumqayıtda qumbara partlayıb, 66 yaşlı kişi ölüb
16, avq, 2024
13:57
Günay Ağamalı mediada hansı hadisə ilə “MƏŞHUR” oldu - Deputatın namizəd qızı
16, avq, 2024
13:41
Qəbələdə toyda zəhərlənən 55 nəfərin son durumu AÇIQLANDI
16, avq, 2024
12:39
Afət bu görüntüyə görə ərindən boşanır - VİDEO
16, avq, 2024
11:38
"Casablanca Travel" şirkətinin rəhbəri həbs edilib?: MÜŞTƏRİLƏR ÜSYAN EDİR
16, avq, 2024
11:33
Sabiq məmur siyasətə qayıdır - "Qudalar İttifaqı" yenidən aktivləşəcək?
16, avq, 2024
10:57
Talıbovlarla bağlı SENSASİYA - İki deputat mandatını...
16, avq, 2024
10:51
Şahin İsmayılov kimdir?- Seçicilər tanımadı……
16, avq, 2024
10:41
Qətlə yetirilən iki uşaq atası Hüseyn Feyzullayevin GÖRÜNTÜLƏRİ
16, avq, 2024
10:31
Ordumuzun mövqeləri atəşə tutuldu - MN
16, avq, 2024
10:23
Yeni səfir, köhnə gərginlik: Ermənistan-Rusiya münasibətləri yön dəyişdirir?
16, avq, 2024
10:21
Atası ilə yanaşı dəfn edilən Nəsibə Məmmədovanın payızda toyu olacaqmış - VİDEO
16, avq, 2024
10:20
Qaradağda insanların yolunu bağlayan sahibkarların məqsədi nədir VİDEO
15, avq, 2024
18:00
Merkel aşiqi deputatlığa namizəd ortalarda yoxdur - FOTO, VİDEO
15, avq, 2024
17:44
Bakıya içməli suyun verilməsi sabah tam bərpa ediləcək
15, avq, 2024
17:22