İctimai fəal Rail Abbasova hökm oxundu

Dələduzluqda ittiham olunan ictimai fəal Rail Abbasovun cinayət işi üzrə  məhkəmə prosesi başa çatıb.
Aftv.Az-ın məlumatına görə, Bakı Ağır Cinayətlər Məhkəməsində hakim Mahirə Kərimovanın sədriliyi ilə keçirilən prosesdə hökm oxunub.
Hökmə əsasən, Rail Abbasov 6  il 6 ay müddətinə azadlıqdan məhrum edilib.
Xatırladaq ki, prokuror ötən prosesdə çıxışında Rail Abbasovun 8 il azadlıqdan məhrum edilməsini istəyib.
Qeyd edək ki,  Rail Abbasov ötən il sentyabrın 20-də Rail Abbasov saxlanılıb. O, Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham olunur. İstintaq orqanı ictimai fəalı ev alqı-satqısı zamanı dələduzluqda günahlandırır.