Mehdiyevlərin bankı zərərdə: 1 bölməsi bağlanıb - BELƏ DAVAM EDƏRSƏ...

“Bank BTB” ASC-nin zərəri artıb.
Aftv.az  “Ölkə.Az”a istinadən xəbər verir ki, 2023-cü ilin yekununda bankın zərəri 6 mln 113 min manat olub.
2022-ci ilin yekununda isə zərəri 4 mln 762 min manat təşkil edirdi.

Nəticədə, bankın cəmi kapitalı 13,4% azalaraq 39 mln 436 min manata enib.

Ümumilikdə, bankın cəmi aktivləri 2,1% azalaraq 361 mln 724 min manat, cəmi öhdəlikləri 0,5% azalaraq 322 min 288 manat təşkil edib.

Qeyd edək ki, ötən il ərzində bankın bölmələrindən biri bağlanıb və hazırda bankın 7 filialı, 1 bölməsi var.

Xatırladaq ki, “Bank BTB”nin səhmlərinin 74,99%-i Nigar Mehdiyevaya, 19,01%-i Rza Sadiqə (Müşahidə Şurasının sədri), 6%-i isə Tükəzban Mahmudovaya məxsusdur. Mətbuatda Nigar Mehdiyevanın Prezident Administrasiyasının sabiq rəhbəri Ramiz Mehdiyevin gəlini olduğu qeyd olunur.