Fransa Argentinanı irqçi şüarlara görə məhkəməyə verəcək

Amerika Kubokunu qazandıqdan sonra argentinalı futbolçuların irqçi şüarlar səsləndirməsinə görə Fransa Futbol Federasiyası Beynəlxalq Futbol Federasiyasına (FİFA) müraciət edəcək.
Bu barədə Aftv.az Gazeta.ru-ya istinadən məlumat yayır.
Buna səbəb "Çelsi"nin yarımmüdafiəçisi Enzo Fernandesin yayımladığı videoda argentinalı futbolçuların fransızlar haqqında təhqiramiz şüarlar səsləndirmələridr.
Fransa tərəfi, həmçinin Argentina Futbol Federasiyasına müvafiq tədbirlərin görülməsini tələb edən məktub göndərməyi planlaşdırır.
Amerika Kubokunun finalında Argentina Kolumbiyaya əlavə vaxtda qalib gəlib - 1:0. Bu görüşdə yeganə qolu 112-ci dəqiqədə İtaliya "İnter"inin hücumçusu Lautaro Martines vurub. Lionel Messi matçı başa vura bilməyib. O, 66-cı dəqiqədə topuğundakı zədə səbəbindən meydanı tərk edib.