Ülvi Quliyevin oğlunun Avropada adına olan mülkləri alınır:Oliqarx deputat London Məhkəməsinin hədəfindədir - VİDEO

Milli Məclisin deputatı Ülvi Quliyevin Avropadakı mülkləri əlindən alına bilər.
Yenixeber.org: Bu barədə Avropadakı mənbələr məlumat yayıblar. 
Məlumata görə, uzun illərdir ki, Avropada böyük biznes şəbəkəsi quran Ülvi Quliyevin Londonda olan mülklərinə, bank hesablarına "stop" qoyulub. Buna səbəb isə bu mülklərin əldə olunması üçün verilən deklarasiyalarda şübhəli məqamların olmasıdır.  
Ülvi Quliyev 2005-ci ildən deputatdır.  
Onun Avropadakı bizneslərinə Orxan adlı oğlunun rəhbərlik etdiyi bildirilir. Bu barədə bir müddət öncə Avropada yaşayan araşdırmaçı jurnalist Cavanşir Həsənli də məlumat paylaşmışdı. 
Bildirilir ki, Ülvi Quliyevin ən böyük bizneslərindən biri İngiltərədəki GUANO LİMİTED (qeydiyyat nömrəsi 06353306) 2007-ci ilin avqustun 28-də London apartment 103, Astra house 23-25 Arklow road ünvanında qeydiyyatdadır. 
Bu şirkətin təsisçisi Bakı şəhəri, Səməd Vurğun küçəsi 6 ünvanında qeydiyyatda olan 1989-cu il avqust təvəllüdlü Orxan Quluzadədir.
Ülvi Quliyevin Bakıda da böyük biznes şəbəkəsi var. Belə ki, o, Bakı şəhərində yaşayış binalarının tikintisi ilə də məşöul olur. 
Ötən həftə Böyük Britaniya hökuməti azərbaycanlı deputat Cavanşir Feyziyev və onun həyat yoldaşının "qanunsuz yollarla əldə edilən gəlirlərlə" Londonda şübhəli yollarla satın aldıqları 22 mülkünü dondurub.

Aftv.az