Uitkoff İran məsələsini müzakirə etmək üçün Qətərə gedib

Amerika Birləşmiş Ştatlarının Prezidenti Donald Trampın xüsusi nümayəndəsi Stiv Uitkoff Qətərin paytaxtı Doha şəhərinə yola düşüb. Çərşənbə axşamı bu şəhərdə ABŞ və İran arasında danışıqların baş tutacağı ehtimal olunur.
Aftv.az xəbər verir ki, bu barədə məlumatı CNN telekanalı yayıb.
Telekanal iki ABŞ rəsmisinə əsaslanaraq: "Uitkoff hazırda Dohaya yola düşür", - deyə qeyd edib.
Məlumatına əsasən, ABŞ dövlət başçısının kürəkəni Cared Kuşnerin Uitkoffla birlikdə olub-olmadığı hələlik məlum deyil.
Qeyd edək ki, Donald Tramp daha öncə çərşənbə axşamı Dohada ABŞ-İran görüşünün nəzərdə tutulduğunu bəyan etmişdi. Lakin bunun ardınca İran Xarici İşlər Nazirliyinin rəsmi sözçüsü İsmayıl Bəqai Tehranın yaxın vaxtlarda Qətərdə ABŞ nümayəndələri ilə heç bir təmas planlaşdırmadığını vurğulamışdı.