Türkiyədə arvadını qətlə yetirən şəxsdən dəhşətli etiraf: "Oğlumun şalvarı ilə boğdum"

Türkiyənin Manisa şəhərinin Yunusemre rayonunda boşanma prosesində olduğu həyat yoldaşı Selda Elleri öldürən Gökhan Eller ilk iclasda hadisənin qandonduran təfərrüatını açıqlayıb.

Oxu.Az xəbər verir ki, bu barədə "CNN Türk" məlumat verib.

Təqsirləndirilən şəxs arvadını oğlunun şalvarı ilə boğduğunu etiraf edib.

Bələdiyyə işçisi Gökhan Eller və gözəllik salonu işlədən Selda Eller razılıq əsasında boşanmağa qərar veriblər. Selda Eller ərinə telefonla zəng edərək əşyalarını götürməsini istəyib. Gökhan Eller evə gedib, mübahisə zamanı arvadını boğaraq öldürüb. Daha sonra polisə gedərək təslim olub və qətli etiraf edib. O, ilkin ifadəsində həyat yoldaşını oğlunun şalvarı ilə boğduğunu deyib.
Aftv.az