"Baku Electronics" 30 illik yubleyi münasibətilə müştərilərə kələk gəlir?

Referans.az xəbər verir ki, sosial şəbəkələrdən birində vətəndaş “Baku Elektronics” şirkətindən şikayətçi olduğu ilə bağlı paylaşım edib. Müştəri Cabir Turan Cəfərbəyli qeyd edib ki, “Baku Elektronics”-ə kombi almaq üçün sifariş verib. Hətta öncədən ödəniş də edib. Vətəndaş iddia edir ki, ünvana göndərilən məhsulun qiyməti həm aşağı olub həm də kombinin quraşdırılmasında da problem yaranıb.

Vətəndaşın şikayətini olduğu kimi təqdim edirik:

#BakuElektronics şirkəti 30 illiyi münasibətilə müştərilərə necə kələk gəlir? Şikayətim #BakuElektronics şirkətindəndir. Deməli, mən bunlardan "Belorad" kombisi sifariş etdim. Mənə dedilər ki,istədiyiniz məhsul Azadlıq filialından götürəcəksiniz. Getdim pulu ödədim, üstəlik VİP Zəmanət+quraşdırılma və "Pusk"-a görə əlavə 108 manat ödəniş etdim. Ödəniş vaxtı guya mənə 30 manat endirim etdiklərini dedilər.

3 gün sonra məhsulu onlardan təhvil aldıqdan sonra məlum oldu ki, onlar mənə istədiyim məhsulu yox, 30 manat ucuz məhsulu satıblar. Deməli, istədiyim məhsul stokda olmayıb və bunlar da başqa məhsulu mənə satıblar. O 30 manat endirim dedikləri elə bu imiş...

Bundan əlavə mənə bildirildi ki, yaşadığınız Ağsuya yaxın Göyçaydan gəlib kombiyə "pusk" verəcəklər. Evə gələndən sonra əlaqə saxlayanda məlum oldu ki, bunların servisi Mingəçevirdə imiş və Mingəçevirdən Ağsuya hər km-ə görə 50 qəpik pul ödəməliyəm. Halbu ki, mən quraşdırılma məbləğini ödəyəndə bu haqda mənə heç bir məlumat verilməmişdi. Və sonra, kombinin qutusunun içində heç bir təlimat kitabçası və kombinin yan tərəfində problemlərin səbəbi, həlli haqqında məlumatverici yazı yox idi.

Mən bilmirəm bu şirkət bu kombini padvalda istehsal edib ya nə? İndi mən kombini qaytaracam. Üstündə pul versəm belə qaytaracam. Çünki bu şirkətin müştərisi adını daşımaq istəmirəm. Ziyana düşsəm belə.

Aftv.az