Vəkil tanınmış rejissorun 8400 pulunu mənimsədi -FOTOLAR

Sosial şəbəkədə özünü vəkil kimi təqdim edən Panəliyeva Səbiyyə İlham qızı adlı şəxs etibarından sui -istifadə edərək Rəhimzadə Elşad Fəxrəddin oğlunu aldadıb, mülki mübahisə ilə əlaqədar məhkəmə işlərində vəkil kimi hər hansı bir hüquqi addım atmayıb, “Access” banka ödəməli olduğu aylıq ödənişləri banka ödəmək adı ilə ondan alıb, pulları mənimsəyib, dələduzluq niyyətilə ailə üzvləri daxil olmaqla 8300 manat məbləğində pulu alaraq xeyli miqdarda əmlak ziyanı vurub. Nəticədə “Access”bank girovda olan evi zərərçəkmişlərin əlindən alıb.
Zərərçəkmiş Elşad Rəhimzadənin sözlərinə görə, dələduz vəkil Elşad Rəhimzadənin və ailə üzvlərinin birbaşa olaraq “Access” bankın hər hansı bir məsul işçisi ilə əlaqə qurmamağını, məsələni özü həll edəcəyini deyib.
Elşad Rəhimzadəyə sonradan məlum olub ki, Səbiyyə Panəliyeva Azərbaycan Respublikasının Vəkillər Kollegiyasının üzvü deyil. vəkillik hüququ və təhsili olmadan dələduzluq edərək vurduğu ziyanın ödəməsindən boyun qaçıraraq, “Access” bankda girovda olan mülkiyyətinin bank tərəfindən müsadirə olunmasına gətirib çıxarıb. Ailə üzvlərindən olan Emin Əbdürəhimov 1300 manat, Kərim Əbdürəhimov 1600 manat və özü 5400 manat Səbiyyə Panəliyevanın kart hesabına köçürüb.
Adalet.az-ın araşdırmasına görə, sosial şəbəkələrdə dəfələrlə Səbiyyə Panəliyevanın dələduzluğu haqqında məlumatlar yayılıb.
Zərərçəkmiş Daxili İşlər Nazirliyi 102 qaynar xəttinə bildirərək, Xəzər rayonu 2 saylı polis bölməsinə, Yasamal rayon polis idərəsinə, Bakı şəhər Prokrorluğuna, Baş prokror yanında Korrupsiyaya qarşı Mübarizə Baş İdarəsinə məsələ ilə bağlı müraciət etdiyini bildirir.
Səbiyyə Panəliyevanın dələduzluğu nəticəsində 3 aydır ki, Elşad Rəhimzadənin ailə üzvüləri yeganə mülkiyyəti olan yaşayış yerlərini itiriblər.
Qeyd edək ki, Elşad Rəhimzadə uzun illər televiziyada aparıcı kimi də fəaliyyət göstərib. Hal-hazırda isə Azərbaycan İncəsənət Məktəbinin müəllimi və rejissor, aktyaor  kimi fəaliyyət göstərir.
Ümid edirik ki, məsələ ilə bağlı aiddiyyatı orqanlar araşdırma aparacaq, dələduzluq edən şəxslə bağlı məsələ həllini tapacaq və zərərçəkmiş Elşad Rəhimzadə və ailəsi öz haqları olan evə yenidən qayıdacaqlar.
Redaksiyadan: Qarşı tərəfin mövqeyini dərc etməyə hazırıq
Eminquey