İran-İsrail müharibəsi fonunda süni intellekt qalmaqalı: Hər şey saxta imiş?

Sosial mediada yayılan bəzi görüntülər "müharibədə hər şey saxtadır?" sualını ortaya çıxarıb. Ən səs-küylü iddialardan biri İsrailin Baş naziri Benyamin Netanyahunun əslində ölməsi və onun yerinə süni intellektlə hazırlanan "deepfake" videoların təqdim olunmasıdır. Netanyahunun yayılan videolarından birində onun əlinin 6 barmaqlı görünməsi bu iddiaları pik həddə çatdırıb. Lakin süni intellekt mütəxəssisləri bu görüntünün saxta olmadığını, problemin sadəcə işıq düşməsi və kamera bucağından qaynaqlandığını bildirsələr də, şübhələr dağılmayıb. Hətta Baş nazirin kafedə çəkilən "cavab videosu" və ABŞ-ın İsraildəki səfiri Mayk Hakabi ilə görüşündəki "qulaq forması" belə yeni müzakirələrə yol açıb.